ESKAERAK: Banku-helbideratzea eta deshelbideratzea

Helburua

Kontribuzio, Zirkulazio, EJZ, Kirol Instalazioak, AME (Aparkaleku murriztuko eremua) eta Pasabideen zerga edo tasen aldizkako ordainagirien banku-helbideratzea.

Izapidea nork egin dezakeen

Zergaduna edo ondasunen ordainagiriaren titularra izatea.

Tramitea nola egin daitekeen

• Telematikoki: orri honen behealdean dagoen Instantzia berria botoiaren bidez.
  • Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJEKTUA bada, horrela bakarrik aurkeztu ahal izango du.
• Aurrez aurre, udaletxeko bulegoetan.

Aurkeztu beharreko agiriak

• SEPA mandatua eskatzeko eredua, eskatzaileak edo haren ordezkariak beteta eta sinatuta.

Izen ematea/Eskaera

• Kontu horretan helbideratu nahi diren zergak zehazten ez badira, udalak eskatzailearen izenean egiten dituen aldizkako zerga guztiak helbideratuko dira.
• Eskaera bat egin behar da ordainagiriaren titular bakoitzeko, ondasun berarako bada ere edo senideak badira ere.
• Borondatezko ordainketa-aldia amaitzeko data baino, gutxienez, 5 egun lehenago egin behar da eskaera. Bestela, helbideratzeak ez du eraginik izango ordainagiri horretarako , egiten diren hurrengoetatik aurrera baizik.